兔仔遊樂場

家姐決定今年年尾嫁人~現在忙於影相,揀衫等等~

我做妹o既當然義不容辭咁幫佢眼啦~

除此之外~我仲落手又落腳咁幫佢整左3套花球,等佢可以拎去影相....

大家睇睇有無睇頭?

小米生日啦~~~~~

小米誕生日的由來

其實小米正確的出生日期係無人知架~不過~小米點可以無生日o既呢~我用以下方法訂下小米的誕生日啦~

2008年1月19日帶小米回家.回家時佢6個月大~計返轉頭~小米即是2007年7月出世了!既然我係19日帶佢回家~咁~

米米の誕生日即是:2007年7月19日啦~

小米今年1歲...因為種種原因我訂唔到個狗仔蛋糕俾佢~但係我預備左好豐富的節目俾小米架:

出街散步;雞脾做晚餐;仲有生日禮物添~

睇下米米幾開心,幾可愛!

 

 

 

我就讀的小學今年要殺校了~學校舉行了一個舊生晚會~我當然有出席啦~仲見番好多老師,校長同埋d"老"朋友添~

食飯前,我相約了幾個同學仔返學校緬懷一下舊時光景.

學校外貎變化唔大,但校內都變了~有的課室更改裝成小禮堂添!

不過~我還認得我小時唱詩班的禮堂;當風紀時站崗的樓梯;因為亂跑俾人罰企的走廊;成日要人排隊的天井;傳說有鬼的厠所和天台等...我統統都認得!

行下~傾下~影下相~不知不覺就咁逛左個半鐘~急急腳趕去奧海城的聯邦大酒樓參加晚會.聽說今晚筵開78圍添~勁呀~

 

到達會場~見到d同學仔啦~最初諗住佢地男的會變肥晒,秃頭,大肚腩;女的當然變靚晒啦~點知原來大家都只係放大左!尚算認得~

上次見面時大家仲係小學雞~今次見面時有d同學仔已經做左人地媽媽/爸爸添啦~

不知下次見面時又會點呢?

 

今個週末做左樣好肥的野...就係整~蛋~糕~

今次的主角係"木槺蛋糕"

因為實在太掛住之前在澳門《九如坊》食過的的木槺蛋糕啦~所以今日自己操刀...弄一個出黎俾自己食!

人人都話個蛋糕好容易整....

結果~~~

我諗個賣相都ok呀~味道都合格~不過同《九如坊》的比...都係差小小!